ظلمتِ ہستی میں نورِ ذات کا جویا ہوں میں
موجِ دریاِ تلاطم، قلزمِ معنیٰ ہوں میں
منکشف مجھ پر ہوئے اسرارِ “ما زاغ البصر”
شاہدِ بزمِ ازل، جلوہ گہِ بالا ہوں میں
رنگِ کثرت میں عیاں ہے وحدتِ حق کا ظہور
پردہِ کُتْمَان میں بھی جلوہِ بیضا ہوں میں
تشنہ کامِ بادہِ “اَلَسْتُ” ہے میری خودی
جامِ عرفاں، دستِ ساقی، ساغرِ مینا ہوں میں
منزلِ صدق و صفا کی جستجو لازم نہیں
خود مسافر، خود سفر، خود منزلِ اقصیٰ ہوں میں
عقل کی پرواز سے آگے ہے میرا آشیاں
طائرِ لاہوت ہوں، ہمرازِ “اَو اَدنیٰ” ہوں میں
ظاہر و باطن میں ہے عکسِ جمالِ ایزدی
اے نعیم! آئینہِ حق، صورتِ زیبا ہوں میں