“کہاں سنبھال کے رکھنا مغالطے اپنے

“کہاں سنبھال کے رکھنا مغالطے اپنے”
پلٹ کے لائے ہیں ہم ہی تو حادثے اپنے
​تلاشی لی تو فقط حسرتوں کا ڈھیر ملا
بھرے ہوئے تھے بہت ہم نے حافظے اپنے
​ہوائے وقت کے جھونکوں سے اب گلہ کیا ہے؟
بجھا دیے ہیں خود ہی ہم نے طاقچے اپنے
​خدا کا شکر کہ رستوں نے ساتھ چھوڑ دیا
تھکن سے چور تھے ورنہ یہ آبلے اپنے
​وہ تیرگی ہے کہ پہچاننا بھی مشکل ہے
پرائے کون سے ہیں اور ہیں کونسے اپنے
​کبھی تو دھوپ کے کینوس پہ روشنی لکھو
کب تک اتارو گے کاغذ پہ مرثیے اپنے
​اسی امید پہ زندہ ہیں اب تلک اے نعیم
بدل ہی جائیں گے اک روز زاویے اپنے