اردو

دار و رسن میں رہتے ہیں
بقا کے چمن میں رہتے ہیں

میری صدا کے پتھر نے سناٹا توڑ ڈالا ہے
خاموشی چیخ اٹھی ہے بھانڈا پھوڑ ڈالا ہے

تیری خود ساختہ نظر بندی سے شہر کا منظر بدل گیا
صبح و مسا کا فرق مٹا دوپہر کا منظر بدل گیا

قہر اُگتا ہے اس لئے کہ عذاب برستا ہے
شبنم برستی تھی جہاں تیزاب برستا ہے

مقدر میں فقط دلاسہ کیوں ہے
سمندر میرے عہد کا پیاسہ کیوں ہے

تیری دعاؤں کا ثمر دیکھاہے
سفینے کی حفاظت میں بھنور دیکھا ہے

چلو کوئی تو ضابطہ طے ہوا
ٹوٹے گا اب نہ رابطہ طے ہوا

روز ملتے رہیں تو بہتر ہے
فاصلے، فاصلہ بڑھاتے ہیں

قلم سے شگوفے پھوٹ نہیں سکتے
کاغذ کی زمیں اگر زرخیز نہ ہو

بدن کُہسار روح کو تیشہ کرنا
دشوار بہت ہے مسیحائی پیشہ کرنا