اردو

پیار کُن کا کرشمہ نہیں پیار تماشہ نہ بنا
پیار کو پیار سمجھ میرے یار تماشہ نہ بنا

ساری رات غم نچوڑے جاتے ہیں
تب جا کے مصرعے جوڑے جاتے ہیں

رقصِ نور کا عجب منظر دیکھا ہے
ایک قطرے میں سمندر دیکھا ہے

شاعری کی میں نے چارہ گری کے بعد
کوئی حاجت نہ رہی جادوگری کے بعد

دلِ ویراں شہر کے آثار بولیں گے
خاموش کہانی کے کردار بولیں گے

اہلِ خرد اسی پشیمانی سے مر جائیں گے
ہم جو اک روز نادانی سے مر جائیں گے

بڑی مشکل سے ہوئی ہے نیکی اسے سنبھالوں گا
مر جاؤں گا مگر دریا میں نہیں ڈالوں گا

کیسے پڑھتا خوش الحانی کی طرح
زندگی تحریر تھی تلخ بیانی کی طرح

تم یہ سمجھے ہو زمانے کو دکھاؤں گا
میں تو اپنے زخموں کے ناز اٹھاؤں گا

مرے تصور مری نظر میں رہتا ہے
وہ ہر وقت مرے گھر میں رہتا ہے